Nā Hoa Kākoʻo

Ma ke kuʻikahi ma waena o ka ʻAha Pūnana Leo a me Ka Haka ʻUla Keʻelikōlani, ke Koleke ʻŌlelo Hawaiʻi o ke Kulanui o Hawaiʻi ma Hilo, e hoʻokahua ai i ke ala hoʻonaʻauao kaiaʻōlelo Hawaiʻi piha ma ka Mokuʻāina o Hawaiʻi. He kuʻikahi kēia o ka hui kūʻokoʻa a aupuni i hiki ai ke hoʻokahe wikiwiki a pono i nā kumuwaiwai e pono ai ke ala hoʻonaʻauao kaiaʻōlelo Hawaiʻi no nā hui kūʻokoʻa a aupuni ma ka Mokuʻāina o Hawaiʻi.

Eia iho nei kekahi mau lanakila o ke kuʻikahi:

• Ka hoʻomohala, hoʻohua, a hoʻopuka manuahi ʻana i nā lako haʻawina ma ka Mokuʻāina o Hawaiʻi.
• Ka ʻauamoea ʻana no ka hoʻokumu ʻia ʻana o nā kula hoʻokolohua kaiaʻōlelo Hawaiʻi.
• Ka hoʻokumu ʻia ʻana o ka papahana hoʻomākaukau kumu kaiaʻōlelo Hawaiʻi a me ka palapala aʻo.
• Ka papahana laeoʻo kaiaʻōlelo Hawaiʻi.

ʻO ka hua i ʻike ʻia ma nā papahana i hoʻokumu ʻia e ke kuʻikahi ke kumu i ʻāpono ʻia ai ka Papahana Lae ʻUla ma ke Koleke ʻŌlelo Hawaiʻi.

No ka ʻike hou aku o nā hui ma ke kuʻikahi e kele i ko lākou kaha pūnaewele ma http://www.olelo.hawaii.edu.

No ka wīkiō no kēia kuʻikahi e kele i: http://oiwi.tv/ahapunanaleo/aukahi/.